भरुवा बन्दुकसहित २ जना पक्राउ

१८ मंसिर-बझाङ, बझाङमा भरुवा बन्दुकसहित २ जना पक्राउ परेका छन्। जिल्लाको बित्थडचिर गाउँपालिका–१ बित्थडखोलाबाट एक थान भरूवा बन्दुकसहित २ जनालाई मंगलबार बिहान प्रहरीले पक्राउ गरेको हो।

वित्थडचिर गाउँपालिका–१ का ४१ वर्षीय पूर्णबहादुर बोहरा र ३९ वर्षीय रामबहादुर खड्कालाई प्रहरी चौकी बित्थडबाट खटिएको प्रहरी टोलीले बन्दुकसहित नियन्त्रणमा लिएको छ। यस विषयमा थप अनुसन्धान भइरहेको प्रहरीले जनाएको छ।