जीप दुर्घटना हुदाँ चालक र वडाध्यक्षसहित पाँच जनाको मृत्यु

१४ मंसिर-रामेछाप, काठमाडौंबाट बेतालीतर्फ आउँदै गरेको ना १ ज ७१२३ नम्बरको जीप आज दिउँसो दुर्घटना हुँदा गोकुलगंगा गाउँपालिका-४ का वडाध्यक्ष ४५ वर्षीय रामचन्द्र बस्नेतसहित पाँच जनाको मृत्यु भएको प्रहरी ले जनाएको छ ।

दुर्घटनामा जीप चालक सिन्धुलीका ३० वर्षीय हिराबहादुर कार्कीको पनि मृत्यु भएको छ । मृतक अन्य तीन जनाको सनाखत हुन सकेको छैन ।

दुर्घटनामा घाइते तीन जनालाई उपचारका लागि काठमाडौँ पठाउने तयारी भइरहेको प्रहरीले जनाएको छ ।