’ए’ डिभिजन लिग फुटबलमा आज बुधबार तीन खेलहरु हुँदैछन् ।

सहिद स्मारक ’ए’ डिभिजन लिग फुटबल अन्तर्गत आज बुधबार तीन खेलहरु हुँदैछन् ।

त्रिपुरेश्वरस्थित दशरथ रंगशालामा दिउसो तीन बजे पहिलो खेलमा त्रिभुवन आर्मी क्लब र न्युरोड टिम एनआरटीबीच प्रतिस्पर्धा हुनेछ । २०
खेलमा २९ अंक जोडेर पाँचौं स्थानमा रहेका आर्मी आज आठौं जितको योजनामा छ भने २० खेलमा २३ अंक जोडेर ११ औं स्थानमा रहेकोएनआरटी छैटौं जितको खोजीमा छ ।

यस्तै च्यासल मैदानमा एपीएफ क्लब र संकटा क्लबबीच तीन बजे नै प्रतिस्पर्धा हुनेछ । २० खेलमा २३ अंक जोडेर १० औं
स्थानमा रहेको एपीएफ सातौं जितको योजनामा छ । साथै २० खेलमा २३ अंक जोडेर १२ औं स्थानमा रहेको संकटा छैटौं जितको योजनामा रहेको छ ।

दशरथ रंगशालामा हुने दोस्रो खेलमा साँझ छ बजे जावलाखेल युथ क्लब र मछिन्द्र फुटबल क्लबबीच प्रतिस्पर्धा हुनेछ । २० खेलमा ३३ अंक जोडेर तेस्रो स्थानमा रहेको जावलाखेल दशौँ जितको लक्ष्यमा हुनेछ । २० खेलमा ३४ अंक जोडेर दोस्रो स्थानमा रहेको मछिन्द्र पनि दशौँ जितको योजनामा रहेको छ ।