स्कुटरले ठक्करबाट तनहुँमा एक जनाको मृत्यु

२५ जेष्ठ- तनहुँ, पृथ्वी राजमार्गअन्तर्गत व्यास नगरपालिका–१ तालघारेमा बिहीबार बेलुका स्कुटरले ठक्कर दिँदा एक महिलाको मृत्यु भएको छ ।

घाँसीकुवाबाट दमौलीतर्फ आउँदै गरेको हालसम्म नम्बर नखुलेको स्कुटरले पैदलयात्री अन्दाजी वर्ष ५०–५५ की महिलालाई ठक्कर दिई दुर्घटना भएको जिल्ला प्रहरी कार्यालयले जनाएको छ। मृतकको पनि पहिचान नखुलेको छैन ।

घाइते भएकी महिलाको उपचारका क्रममा दमौली अस्पतालमा मृत्यु भएको प्रहरीको भनाइ छ । घटनाबारे थप अनुसन्धान भइरहेको प्रहरीले जनाएको छ ।