अमेरिकामा आँधीका कारण १५ जनाको मृत्यु

१४ जेष्ठ- अमेरिका, अमेरिकाका मध्य क्षेत्रहरूमा आँधीका कारण कम्तीमा १५ जनाको मृत्यु भएको छ ।

उत्तरी टेक्सासमा सात, अर्कान्सासमा पाँच, ओक्लाहोमामा दुई र केन्टकीमा एक जनाको मृत्यु भएको हो । टेक्सासको कुक काउन्टीका २ र ५ वर्षका दुई बालबालिका र एउटै परिवारका तीन सदस्य समेत रहेका छन । ठुलो सङ्ख्यामा मानिसहरू घाइते भएको बताइएको छ । आँधीका कारण कयौं घरहरू ध्वस्त भएका छन् ।

विभिन्न राज्यहरूमा लगभग ५ लाख मानिस बिजुली बिहीन भएको बताइएको छ । शक्तिशाली घुम्रपातले सबैभन्दा बढी टेक्सास प्रभावित भएको छ । आँधी प्रभावित क्षेत्रमा पेट्रोल स्टेसन र रेस्ट स्टप लगभग पूर्ण रूपमा ध्वस्त भएका छन । आँधीले ट्रकहरू पल्टाएपछि डलास नजिकैको राजमार्ग बन्द भएको छ ।

यस क्षेत्रमा पनि हजारौँ मानिसहरूलाई बिजुलीविहीन बनेका बताइएको छ । आँधी प्रभावित क्षेत्रमा राहत र उद्धारको काम जारी रहेको छ ।।