सञ्जालहब
चैत्र २५- कैलाली, कैलालीको धनगढीमा सशस्त्र प्रहरीले ठूलो परिमाणमा अबैध कपडा बरामद गरेको छ।
सशस्त्र प्रहरीले धनगढीबाट ८ लाख बढी मूल्यको कपडा बरामद गरेको हो। सशस्त्र प्रहरी बल, नेपाल नम्बर ३४ गण हेड क्वाटर कैलालीले धनगढी उपमहानगरपालिका–२ बैयाबेहडी क्षेत्रबाट ८ लाख ७४ हजार मुल्यको अवैध कपडा बरामद गरेको हो।
बरामद गरिएका कपडा कैलाली भन्सार कार्यालय त्रिनगर पठाएको सशस्त्र प्रहरी नायव उपरीक्षक साजेन्द्रप्रसाद श्रेष्ठले बताए। शुक्रवार मात्र सशस्त्र प्रहरीले आधा करोड बढीका अवैध कपडा बरामद गरेको थियो। सशस्त्र प्रहरी बल नम्बर ३४ गण कैलालीका प्रमुख एसपी दलबहादुर पाण्डे आफैं खटिएर ५७ लाख बढी मूल्यका लत्ताकपडा बरामद गरेका थिए।
प्रतिक्रिया दिनुहोस्