एक पुरुष बैतडीमा मृत अवस्थामा फेला

चैत्र ८- बैतडी,  बैतडीमा एक पुरुष मृत अवस्थामा फेला परेका छन्। पुर्चौडी नगरपालिका-३ गौरीगाउँका ४६ वर्षीय नरबहादुर बोहरा बुधवार दिउँसो सोही ठाउँको बडछडी खोलामा मृत अबस्थामा फेला परेका हुन।

उनी गत महिनाको १९ गतेदेखि बेपत्ता भई खोजतालस गर्ने क्रममा बुधवार दिउँसो उक्त स्थानमा मृत अवस्थामा फेला परेको जिल्ला प्रहरी कार्यालय बैतडीका प्रबक्ता, प्रहरी निरीक्षक नन्दराज जोशीले जानकारी दिए। यस सम्बन्धमा जिल्ला प्रहरी कार्यालयबाट प्रहरी टोली खटिई आवश्यक अनुसन्धान भईरहेको जोशीले बताए।