अटो र मोटरसाइकल ठोकिँदा महिलाको मृत्यु

कार्तिक २९- रौतहट, रौतहटको चन्द्रनिगाहपुरमा अटो र मोटरसाइकल एक आपसमा ठोकिँदा अटोमा सवार महिलाको मृत्यु भएको छ।पूर्व पश्चिम राजमार्गस्थित चन्द्रपुर ५ जगत पेट्रोल पम्प नजिकै पूर्वबाट पश्चिमतर्फ आउँदै गरेको ना २ ह २४५३ नं. को अटो र सोही दिशातर्फ आउँदै गरेको ज ७ प ८२५० नं. को मोटरसाइकल एक आपसमा ठोकिँदा अटोमा सवार चन्द्रपुर ४ मुस्लिम टोलकी शैरुन खातुनको मृत्यु भएको प्रहरीले जनाएको छ ।

दुर्घटनामा परेको मोटरसाइकल, अटो र चालक नियन्त्रणमा रहेको तथा घटनाबारे थप अनुसन्धान भइरहेको जिल्ला प्रहरी कार्यालय रौतहटका प्रवक्ता डिएसपी दामोदर केसीले जानकारी दिए ।