सञ्जालहब
असोज २४-अत्तरिया, कैलालीको टीकापुरमा अवैध रकमसहित तीन जना भारतीय नागरिक पक्राउ परेका छन् । मंगलबार साँझ गस्ती गरिरहेको समयमा विषेश सूचनाका आधारमा राजस्व अनुसन्धान तथा औधोगिक शिक्षालय टीकापुरको प्रहरी टोलीले उनीहरुलाई पक्राउ गरेको हो ।
सशस्त्र प्रहरी बलका प्रमुख प्रहरी वरिष्ठ उपरीक्षक विनोदराज श्रेष्ठका अनुसार उनीहरुको साथबाट प्रहरीले नेपालमा प्रतिबन्धित पाँचसयका भारतीय नोटसहित ३ लाख ८७ हजार भातीय रुपियाँ र ६ लाख २३ हजार नेपाली रुपियाँ बरामद गरेको हो ।
साथै उनीहरु चढेको एक भारतीय नम्बरप्लेटको टाटा गाडी समेत नियन्त्रणमा लिइएको शिक्षालयका प्रमुख श्रेष्ठले जानकारी दिनुभयो । अहिले नगदसहित समातिएका उनलाई राजस्व अनुसन्धान ताथा औद्योगिक तालिम शिक्षालय टीकापुरमा राखिएको छ ।
उनलाई राजस्व अनुसन्धान कार्यालयमा पठाउने तयारी भइरहेको समेत उहाँले जानकारी दिनुभयो । रकमबारे थप अनुसन्धान भइरहेको र घटनाबारे विस्तृत विवरण आउन बाँकी रहेको प्रहरीले जनाएको छ ।
–गोरखापत्र
प्रतिक्रिया दिनुहोस्