सञ्जालहब
असोज १९-धनुषा, धनुषाको बटेश्वरमा ट्याक्टरले किच्दा एक महिलाको मृत्यु भएको छ । मृत्यु हुनेमा बटेश्वर गाउँपालिका वडा नं. ५ शान्तिपुर बस्ने वर्ष ४० की रेखा देवी महतो छिन् ।
महतो बिहीबार साँझ ज १० प २५५ नम्बरको मोटरसाइकलमा चढेर माइत जाँदै गरेको बेला विपरीत दिशबाट आउँदै गरेको प्रदेश २–००२– ०१ प ६३६६ नम्बरको मोटरसाइकलसँग ठोक्किएको थियो । लगत्तै पछाडिबाट फलाम बोकेर आउँदै गरेको ज १ त ५३ ५८ नम्बरको ट्याक्टरले रेखालाई किचेको थियो ।
विपरीत दिशाबाट आउँदै गरेको मोटरसाइकलमा सवार बटेश्वर गाउँपालिका ३ का युवक गंगाराम महरा घाइते भएका छन् । उनको उपचार जनकपुरमा भइरहेको छ ।
रेखा देवी महतोलाई उपचारका लागि जनकपुर ल्याउँदै गर्दा बाटोमै मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक दीपक कार्कीले जानकारी दिए ।
ट्याक्टर चालक मिथिला नगरपालिका २ नक्टाझिजका प्रमोद ठाकुरलाई पक्राउ गरी थप अनुसन्धान गरिरहेको प्रहरी निरीक्षक कार्कीले जानकारी दिए ।
प्रतिक्रिया दिनुहोस्