ट्र्याक्टर दुर्घटना हुँदा एक जनाको मृत्यु, पाँच जना घाइते

भदौ ५ -पाल्पा,  पाल्पामा ट्र्याक्टर दुर्घटना हुँदा एक जनाको ज्यान गएको छ भने पाँच जना घाइते भएका छन् ।

ज्यान जानेमा माथागढी–२ दोहोराका ३८ वर्षीय वेदप्रसाद भुसाल रहेको जिल्ला प्रहरी कार्यालय पाल्पाले जानकारी दिएको छ । माथागढी गाउँपालिका–२ बाँसटारी झडेवा सडकको भित्री खण्डमा हिजो बेलुकी भएको दुर्घटनामा घाइते भएका माथागढी–२ का ३६ वर्षीय रिपबहादुर सारु, ४४ वर्षीय गोविन्दबहादुर सारु, ३० वर्षीय नरध्वज सारु, २५ वर्षीय सरोज सारु र ३५ वर्षीय टोपबहादुर सारुको लुम्बिनी मेडिकल कलेज, प्रभासमा उपचार भइरहेको छ । ग्याबिङ जाली बोकेको लु ४ त ६६३२ नम्बरको ट्र्याक्टर अनियन्त्रित भइ सडक छेउको पिल्लरमा ठोक्किएर पल्टिएको प्रहरीले जनाएको छ ।