सञ्जालहब
श्रावन २४-हेटौंडा, मकवानपुरको बागमती गाउँपालिका-५ सिक्रे दोभानको पहिरोमा परी बेपत्ता भएका मध्ये नाबालिका मृत फेला परेकी छन् ।
हिजो बिहान वर्षासँगै आएको बाढी तथा पहिराले घर बगाउँदा बेपत्ता भएका मध्ये डेढ वर्षीया दिब्या पहरी सिन्धुली हरिहरपुर ३ बनौलीस्थित बागमती खोलाको किनारमा आज साँझ मृत फेला परेकी हुन् ।
यसअघि आजै बिहान दिव्याको हजुरबुबा ६० वर्षीय अक्कलबहादुर स्याङ्तान र आमा २२ वर्षीया शिला पहरी मृत फेला परेका थिए । योसँगै पहिरोमा परेर मृत्यु हुनेको संख्या चार पुगेको छ ।
यसअघि हिजोनै अक्कलबहादुरको श्रीमती ५५ वर्षीया सन्त स्याङतानको पहिरोमा परी मृत्यु भएको थियो । पहिरोबाट उद्धार गरिए पनि उनको उपचारको क्रममा मृत्यु थियो ।
पहिरोमा परेका सिन्धुली हरिहरपुर गाउँपालिका–१ कोकटीका १७ वर्षीय पासाङ घिसिङको भने हिजो साँझ जीवितै उद्धार गरिएको थियो । घिसिङको हाल हेटौंडा अस्पतालमा उपचार भइरहेको छ ।
पहिरामा परेर दुई जना अझै बेपत्ता छन् । बेपत्ता हुनेमा मृतक अक्कलबहादुरका ज्वाइँ २५ वर्षीय जीवन पहरी र उनका छोरा चार वर्षीय मिलन पहरी रहेका छन् ।
स्रोतः नेपाल प्रेस
प्रतिक्रिया दिनुहोस्