भारतमा कारले मान्छे कुल्चीदा ९ जनाको मृत्यु, कयौँ घाइते

भारतको गुजरात अहमदाबादस्थित इस्कॉन ब्रिजमा एउटा भयानक सडक दुर्घटना भएको छ ।

दुर्घटनामा ९ जनाको मृत्यु भएको छ भने १५ देखि २० जना घाइते भएका छन् । जानकारी अनुसार मध्यरातमा इस्कॉन ब्रिजमा थारको गाडी र डम्पर एक आपसमा ठोक्किएको थियो । दुर्घटना हेर्न पुलमा भीड जम्मा भएको थियो । यसैबीच तीव्र गतिको जगुआर कारले मानिसलाई कुल्चायो । मृत्यु हुनेमा थार र डम्पर दुर्घटनापछि घटनास्थलमा पुगेका प्रहरी हवल्दार र होमगार्ड समेत रहेका छन् ।