सञ्जालहब
२० चैत- काठमाडौं, गत चैत १५ गतेको राजावादी आन्दोलनका क्रममा घटेको घटनामा बहादुरी देखाउने भाटभटेनी सुपरमार्केटका सुरक्षा गार्ड दुलप्रसाद पराजुलीलाई पुरस्कृत गरिएको छ ।
उनलाई एक कार्यक्रमबीच भाटभटेनीले ५ लाख १ हजार १ सय ११ नगद रुपैयाँ पुरस्कारसहित सम्मान गरेको हो । उनलाई पाँच ग्रेड बढुवासमेत गरिएको छ ।
भाटभटेनीका मालिक मीनबहादुर गुरुङले उनलाई दुबोको माला लगाइदिएर सम्मान गरे ।
चैत १५ गते लुटपाट र तोडफोडमा भाटभटेनीलाई जोगाउन भूमिका खेल्ने अन्य कर्मचारीलाई पनि पुरस्कार र सम्मान प्रदान गरिएको छ ।
सुरक्षा गार्ड पराजुलीले लुटेराहरूलाई पिटेर लखेटेको भिडिओ सामाजिक सञ्जालमा भाइरल भएको थियो ।
प्रतिक्रिया दिनुहोस्