आलम चाइनिज पेस्तोल र गोलीसहित पक्राउ

९ पौष – सुनसरी, सुनसरीमा प्रहरीले चाइनिज पेस्तोल र गोलीसहित एक व्यक्तिलाई पक्राउ गरेको छ । सुनसरीको भोक्राहा नरसिंह गाउँपालिका–२ मंसुरी चौकमा चाइनिज पेस्तोल र दुई राउन्ड गोलीसहित प्रहरीले स्थानीय शमशेर आलमलाई पक्राउ गरेको हो ।

विशेष सूचनाका आधारमा शुक्रबार राति उनलाई पक्राउ गरिएको हो । स्थानीय खुर्सिद अन्सारीको घरमा अवैध हतियार लुकाइछिपाई राखेको भन्ने गोप्य सूचनाका आधारमा छापा मार्दा ३८ वर्षीय आलमलाई नियन्त्रणमा लिएको हो

घरधनी अन्सारी भने फरार रहेको र उनको खोजी भइरहेको प्रहरीले जनाएको छ । पक्राउ परेका आलमविरुद्ध मुलुकी अपराध संहिता(२०७४ को हात हतियार खजानासम्बन्धी कसुरमा म्याद थप गरी अनुसन्धान भइरहेको प्रहरीले जनाएको छ ।