जीपलाई ठक्कर दिएर पुलबाट ट्रक खस्यो, २ जनाको मृत्यु

९ पौष – दमौली, तनहुँको आँबुखैरेनी गाउँपालिका–१, आँधीखोलामा आज बिहान इँटा बोकेको ट्रक दुर्घटनामा परेको छ, उक्त दुर्घटनामा दुईजनाको मृत्यु भएको छ ।

मृत्यु हुनेमा ट्रकका चालक उदयपुरका ३० वर्षीय भेषराज पराजुली र सहचालक रौतहटका २८ वर्षीय विजय विश्वकर्माको रहेका थिए,

डुम्रेबाट आँबुखैरेनीतर्फ जाँदै गरेको बा. प्र. ०१–००१ य १६५९ नम्बरको स्कोरपियोलाई विपरीत दिशाबाट आउँदै गरेको ए २–०३००–१ केएच २४४८ नम्बरको ट्रकले ठक्कर दिएको थियो । ठक्करपश्चात् स्कोरपियो सडकमै रहेको र ट्रक पुलको बीचभागबाट खसेर दुर्घटना भएको थियो ।

स्कोरपियोमा सवार चारजना सकुशल रहेका प्रहरीले जनाएको छ ।
रासस