ज्ञानेन्द्र शाहलाई पार्टी सभापति बनाउन शेरबहादुर देउवाको राप्रपालाई सुझाव

१० चैत- काठमाडौं, कांग्रेस बागमती प्रदेशद्वारा काठमाडौंमा आयोजित एक कार्यक्रमलाई सम्बोधन गर्दै नेपाली कांग्रेसका सभापति शेरबहादुर देउवाले पूर्वराजा ज्ञानेन्द्र शाहलाई पार्टी सभापति बनाउन राप्रपालाई सुझाव दिएका छन्।

पूर्वराजा संवैधानिक भएर बस्ने व्यक्ति होइन्न। ‘उहाँ संवैधानिक भएर बस्ने व्यक्ति होइनन्। चाहना नै हो भने राप्रपाले पार्टी सभापति बनाए हुन्छ, पार्टी सभापति भएपछि राप्रपा पनि पछुताउँछ,’ उनले भने।

यस्तै उनले राप्रपाले पार्टीमा नभित्र्याए पूर्वराजाले पार्टी खोलेर आए पनि हुने देउवाले चुनौति दिएका छन्।
देउवाले पूर्वराजा ज्ञानेन्द्र शाह राजा बन्न लायक नभएको बताएका छन् । पूर्वराजाले राजनीति नै गर्नुछ भने पार्टी खोलेर गरे भइहाल्यो नि तर, त्यो पार्टीमा लाग्नेले धेरै दुःख पाउँछन् । राप्रपाले पनि दुःख पाउँछ ।’

उनले मुलुकमा राजतन्त्र फर्किने कुनै सम्भावना नरहेको बताए ।