५ चैत- काठमाडौ, स्ववियु निर्वाचनका लागि फर्जी मतदाताले मतदान गरेको भन्दै मंगलबार विवाद सिर्जना भएपछि दुवै सत्ताधारी पाटन संयुक्त क्याम्पसमा नेपाली कांग्रेसनिकट नेविसंघ र नेकपा एमालेनिकट अनेरास्ववियु संगठनका नेताकार्यकर्ताबीच कुटाकुट भएको हो ।
एक सयजना विद्यार्थीले मतदान गरिसकेपछि विवाद भएर मतदान प्रक्रिया रोकिएको थियो । एकजना विद्यार्थीको परिचयपत्रमार्फत् सात जनासम्मले मतदान गरेको पाइएपछि अनेरास्ववियुले आपत्ति जनाएको थियो । विवाद समाधान गर्न सर्वपक्षीय बैठक बसिरहेका बेला बाहिर नेविसंघ र अनेरास्ववियुका कार्यकर्ताबीच कुटाकुट भएको हो ।
अनेरास्ववियु लगायतका विद्यार्थी संगठनले मतदान प्रक्रियामा सहभागी नहुने घोषणा गरेका छन् । उनीहरूले निर्वाचन समितिलाई ज्ञापनपत्र बुझाउँदै मतदान प्रक्रियाबाट बाहिरिएको घोषणा गरे ।
नेविसंघ लगायतका अन्य विद्यार्थी संगठनहरूले हार्ने डर भएपछि अनेरास्ववियुले चुनाव विथोल्न खोजेको आरोप लगाएका छन् ।
प्रतिक्रिया दिनुहोस्