सञ्जालहब
३ चैत- कास्की, पोखरी मिचेर घर बनाउन खोज्ने विषयलाई लिएर पोखरा महानगरपालिका वडा नम्बर २१ मा स्थानीय भूपेन्द्र गिरीले वडाध्यक्ष दीपक सुवेदीमाथि रड प्रहारको प्रयास गरेका छन् ।
शनिबार वडाध्यक्ष सुवेदी नगर प्रहरीसहित उक्त स्थानमा पुगेका थिए। नगर प्रहरीले पोखरीमाथि बनाइँदै गरेको घर रोक्न खोज्दा गिरीले उनीमाथि रड प्रहार गर्न खोजेको थियो ।
एक हप्तादेखि पोखरी नमिच्न आग्रह गर्दै आएको भए पनि गिरीले अटेर गरेर पोखरीमै संरचना बनाउन थालेपछि शनिबार नगर प्रहरीसहित पुग्दा उनले रडले हान्न खोजिएको वडाअध्यक्षको भनाई छ।
वडाअध्यक्षलाई रड प्रहार गर्न खोजेका गिरीको हात स्थानीयले समातेका थिए।
उक्त पोखरी पोखरा–२१ निर्मलपोखरीस्थित बाँझी पोखरी हो र जसलाई हिउँदमा गाई–भैंसीलाई पानी खुवाउन प्रयोग गरिन्थ्यो
घटनापछि वडाध्यक्ष सुवेदीले आइतबार वडा प्रहरी कार्यालय बैदाममा निवेदन दिएका छन् । उनले गिरीविरुद्ध कानुनी कारबाहीको माग गरेका छन् । ।
प्रतिक्रिया दिनुहोस्