सञ्जालहब
१९ फागुन- गोरखा, गोरखाको शहीद लखन गाउँपालिका-३ मा माइक्रोबस दुर्घटना हुँदा १ को मृत्यु र १४ जना घाइते सबैको सनाखत भएको छ ।
मनकामना मन्दिर दर्शनार्थी सवार ईभी माइक्रोबस आज बिहान ११ः २५ बजे आँबुखैरेनी–गोरखा सडकखण्डमा दुर्घटना भएको थियो, दुर्घटनामा मृत्यु हुने चितवन खैरहनी गाउँपालिका-२ टाँडी पर्साका ३७ वर्षीय पदमबहादुर जर्जी रहेका छन । दुर्घटनामा अन्य १४ जना घाइते भएका सबै खैरहनी गाउँपालिका-२ कै रहेको प्रहरीले जनाएको छ ।
प्रहरीका अनुसार घाइते हुनेहरूमा ५० वर्षीया हरिकला परियार, २९ वर्षीया गिता परियार, २६ वर्षीय सुमित चौधरी, १० वर्षीय रितेश परियार, १३ वर्षीया सन्ध्या परियार, २५ वर्षीया रुपा परियार, २० वर्षीया सञ्चिता आले, ३५ वर्षीया प्रमिला राना, ४३ वर्षीय विमला परियार, ३१ वर्षीय राजु परियार, १८ वर्षीया सुवना परियार, २१ वर्षीय अभिषेक परियार, २६ वर्षीय अनिसा परियार र ३६ वर्षीय अर्जुन परियार रहेका छन् ।
प्रतिक्रिया दिनुहोस्