ट्रकको ठक्करबाट घाइते भएका एक साइकलयात्रीको मृत्यु

१३ फागुन- ललितपुरमा ट्रकको ठक्करबाट एक साइकलयात्रीको मृत्यु भएको छ ।

उक्त ठक्करबाट ललितपुर महानगरपालिका–२१ ठूलो खोकनाका ४९ वर्षीय भीमरत्न महर्जनको मृत्यु भएको हो । ललितपुर महानगरपालिका–४ विष्णुदेवी मन्दिर नजिक सडकमा रा १ ख ९५१ नम्बरको ट्रकले महर्जन सवार साइकललाई ठक्कर दिएको थियो ।

गम्भीर घाइते महर्जनलाई उपचारका लागि मेडिसिटी अस्पताल लगिएको थियो । अस्पतालमै उपचारको क्रममा उनको मृत्यु भएको हो । ट्रक चालकलाई भने प्रहरीले पक्राउ गरि अनुसन्धान अघि बढाएको छ ।

प्रतिक्रिया दिनुहोस्