सञ्जालहब
७ पौष – ब्राजिल, ब्राजिलको दक्षिणपूर्वी भागमा भएको बस दुर्घटनामा परी कम्तीमा ३८ जनाको मृत्यु भएको छ ।
नागरिक प्रहरीले ३८ जनाको मृत्यु भएको पुष्टि गरेको छ भने नौ जनालाई अस्पताल भर्ना गरिएको छ ।
पीआरएफले जारी गरेको विज्ञप्तिमा भनिएको छ, ‘प्रारम्भिक जानकारीअनुसार ग्रेनाइटको एउटा ब्लक विपरीत दिशाबाट आउँदै गरेको ट्रकबाट खसेर बसलाई ठक्कर दिएको हुन सक्ने देखिएको छ ।’
ट्रक चालक घटनास्थलबाट फरार भएको अग्निनियन्त्रकले बताएका छन् ।
ब्राजिलको मिनास गेरैस राज्यमा भएको बस दुर्घटनामा सन् २००७ यताकै सबैभन्दा खराब दुर्घटना भएको संघीय राजमार्ग प्रहरी ९पीआरएफ० ले एएफपीलाई जानकारी दिएको छ ।
ब्राजिलका राष्ट्रपति लुइज इनासियो लुला डा. सिल्भाले शनिबार दक्षिणपूर्वी ब्राजिलमा भएको बस दुर्घटनामा परी कम्तीमा ३८ जनाको मृत्यु भएको बताउँदै मृतकका आफन्तजनप्रति समवेदना प्रकट गरेका छन् ।
सुरुमा बिहान ४ बजेतिर बसको टायर पड्किएपछि चालकले नियन्त्रण गुमाएर ट्रकलाई ठक्कर दिएको र पछाडिबाट आएको अर्को गाडीले पनि बसलाई ठक्कर दिएको अधिकारीहरूले बताएका छन् ।
मृत्यु हुनेमा एक बालक, बसका चालकसहित ३८ जना रहेका छन् ।
प्रतिक्रिया दिनुहोस्