सञ्जालहब
७ पौष – कैलाली, कैलालीमा सुनसहित २ जना पक्राउ परेका छन्। सुन, नगद, ल्यापटप, २ थान मोबाइलसहित २ जना भारतीय नागरिकलाई प्रहरीले नियन्त्रणमा लिएको हो।
धनगढी उपमहानगरपालिका–३, ट्राफिक चौराहमा चेकजाँचको क्रममा भारतीय नम्बर प्लेटको सो गाडीबाट ५४९ दशमलव २ सय ग्राम
सुनसहित दुबै जनालाई पक्राउ गरिएको प्रहरीले जनाएको छ।
युपी ३२ जेभी ९२०० नम्बरको गाडी चेकजाँच गर्दा सुन जस्तो देखिने वस्तु, एक थान ल्यापटप, दुई थान मोबाइल, नेपाली रुपैयाँ ४४ हजार ८१० र भारतीय रुपैयाँ एक हजार २८० फेला पारेको छ। गाडीका चालक भारतको पलियाका ४४ वर्षीय दिपक गुप्ता र सोही गाडीमा सवार ३४ वर्षीय सुमित वर्मालाई नियन्त्रणमा लिइएको छ।
प्रहरीले शंका लागेपछि गाडी चेकजाँच गरेको थियो। चेकजाँचका क्रममा सुन जस्तो देखिने वस्तु, नगद र ल्यापटपसहित गाडी र सो गाडीमा सवारी दुबै जनालाई नियन्त्रणमा लिएर थप अनुसन्धान गर्ने काम भइरहेको प्रहरी कार्यालयले जनाएको छ। बरामद गरिएको वस्तु सुन होकी होइन भन्ने विषयमा चेकजाँचपछि मात्र थाहा हुने बताइएको छ।
प्रतिक्रिया दिनुहोस्