टिकटकबाट गायब भए आयुषसिंह ठकुरी र एलिजे जमाली

२४ मंसिर – काठमाडौं, टिकटकमा निकै नै ट्रोलको शिकार बनेपछि टिकटकर जोडी आयुषसिंह ठकुरी र एलिजे जमालीको अकाउन्ट गायब भएको छ । सोमबार बिहानदेखि एकाएक आयुष र एलिजेको टिकटक अकाउन्ट देखिन छोडेको हो ।

पाकिस्तानी मूलकी एलिजे जमालीको टिकटक अकाउन्टमा २२ लाख बढी फलोअर थिए । त्यस्तै नेपाली युवक आयुषको टिकटकमा भने १३ लाख फलोअर थिए । अहिले उनीहरूको युजरनेम हेर्दा उक्त पेज उपलब्ध छैन ।

उनीहरू आफैले अस्थायी रूपमा अकाउन्ट हटाएका हुन् वा टिकटकले नै प्रतिबन्ध लगाएको हो भन्ने कुरा खुलिसकेको छैन ।