सञ्जालहब
११ मंसिर- नयाँदिल्ली, चण्डीगढको सेक्टर २६ स्थित दुई क्लब बाहिर बम विस्फोट भएको छ । र्यापर बादशाहको स्वामित्वमा रहेको सेभिल बार एण्ड लाउन्ज र डिओरा क्लब बाहिर सेक्टर २६ मा विस्फोट भएको हो ।
घटनापछि एसएसपीसहित धेरै अधिकारी घटनास्थल पुगेका छन् । घटना सोमबार राति भएको हो । यी विष्फोटका कारण क्लब बाहिरका सिसा फुटेका छन् ।
प्रहरीका अनुसार विष्फोटक पदार्थ फाल्नेहरु मोटरसाइकलमा सवार भएर आएका थिए । उक्त सुतली बम प्रकारको थियो, घटनास्थलबाट धेरै सुतली पनि फेला परेको छ । अहिलेसम्मको अनुसन्धानका अनुसार आतङ्कवादी कोण फेला परेको छैन । प्रहरीले घटनास्थलबाट केही सुराक फेला पारेको छ।
प्रहरीले यो जबरजस्ती या फिरौंतीका लागि भएको हुन सक्ने आशंका गरेको छ । अधिकारीका अनुसार सेक्टर २६ मा रहेको गायक तथा र्यापर बादशाहको क्लबबाहिर विस्फोट भएको हो । सीसीटीभी फुटेजमा एक व्यक्तिले क्लबहरूमा कच्चा बम भएको आशंकामा फ्याँकेको देखाइएको छ।
सार्वजनिक भएको भिडियो फुटेजमा विस्फोटका कारण क्लबका झ्यालका सिसा फुटेको देखिन्छ । प्रहरीले फिरौतीको पक्षमा अनुसन्धान गरिरहेको छ तर दुई क्लबका साझेदारबीच झगडा भएको पनि आशंका गरिएको छ ।
यस सम्बन्धमा प्रहरीले थप अनुसन्धान गरिरहेको अधिकारीहरुले जनाएका छन् ।
प्रतिक्रिया दिनुहोस्