भारतको बिहारमा नेपाली तीर्थयात्री बोकेको बस दुर्घटना, २५ जना घाइते

९ भाद्र- भारत, बिहार राज्यको समस्तीपुरमा नेपाली तीर्थयात्री चढेको बस दुर्घटना हुँदा २५ जना घाइते भएका छन् ।

बारा जिल्लाबाट बोलबम तीर्थयात्री बोकेर देवघरतर्फ जाँदै गरेको ना ७ ख ६४४६ नम्बरको बस आज बिहान समस्तीपुरको एनएच–२८ राजमार्गमा दुर्घटना भएको भारतीय सञ्चारमाध्यमले जनाएका छन् । तीर्थयात्री बोकेको बसलाई ट्रकले ठक्कर दिँदा सडकमा पल्टिएको थियो । बसमा ४३ जना यात्रु रहेका थिए ।

घाइतेमध्ये पाँच जनाको अवस्था गम्भीर रहेको छ  भने घाइतेहरूलाई नजिकैको अस्पतालमा भर्ना गरिएको छ ।