गठ्ठाघरमा ट्रकले स्कुटरलाई ठक्कर दियो, एकको मृत्यु

३१ श्रावन- भक्तपुर, भक्तपुरको गठ्ठाघरमा ट्रकले स्कुटरलाई ठक्कर दिएको छ ।

ट्रकको ठक्करबाट स्कुटर चालकको मृत्यु भएपछि त्यहाँको अवस्था तनावग्रस्त बनेको हो । अहिले स्थानीयले सडक अवरुद्ध पारेका छन् ।

ना. ६ ख २१७३ नम्बरको ट्रकले स्कुटरलाई ठक्कर दिएको भक्तपुर प्रहरीले जनाएको छ ।

मृतक महिला भएको र सनाखद बाँकी रहेको प्रहरीले जनाएको छ । अहिले गठ्ठाघरको अवस्था तनावग्रस्त छ । घटनास्थलमा सुरक्षाकर्मीको बाक्लो उपस्थिति छ ।