दुधकोसीमा डुबेर दुई युवकको मृत्यु

चैत्र २९- भोजपुर,  बुधबार दिउँसो आमचौक गाउँपालिका–१० स्थित दुधकोसी नदीमा पौडी खेल्ने क्रममा डुबेर स्थानीय दुई युवकको मृत्यु भएको हो।

जिल्ला प्रहरी कार्यालय भोजपुरका अनुसार बुधबार दिउँसो पौडी खेल्ने क्रममा आमचोक– ६ देवानटारका २० वर्षीय सुदिप दर्जी र १८ वर्षीय अजय राई डुबेका हुन्। उनीहरुको घटनास्थलमै मृत्यु भएको प्रहरीले जनाएको छ।

स्थानीयले खबर गरेपछि पुगेको प्रहरीले शवलाई नदीबाट निकालेर पोष्टमाटमको लागि धरानस्थित बिपी कोइराला स्वास्थ्य विज्ञान प्रतिष्ठानमा लगेको छ।