सञ्जालहब
चैत्र २६- दोलखा, भीमेश्वर नगरपालिका-५ किराँतीछापमा गाँजासहित युवक पक्राउ परेका छन्।
किराँतीछाप प्रहरी चौकीबाट खटिएको प्रहरी सहायक निरीक्षक प्रेम बहादुर गिरी नेतृत्वको टोलीले २६ वर्षीय दीपक मिजारलाई दुई केजी ९२२ ग्राम गाँजासहित पक्राउ गरेको हो।
जिरीबाट काठमाडौँतर्फ जाँदै गरेको बा ५ ख ८०३१ नम्बरको बसमा लुकाई छिपाई लैजाँदै गरेको अवस्थामा मिजारलाई पक्राउ गरिएको प्रहरीले जनाएको छ।
प्रहरीका अनुसार पक्राउ परेका मिजारलाई आवश्यक कारबाहीका लागि जिल्ला प्रहरी कार्यालय दोलखामा राखिएको छ।
प्रतिक्रिया दिनुहोस्