सञ्जालहब
चैत्र २३- काठमाडौँ, श्रीलंकन नागरिकहरूलाई युरोपियन देशहरु पठाउने प्रलोभनमा पारेर नेपाल ल्याई होटेलमा बन्धन बनाएर राखेको आरोपमा चार पाकिस्तानी नागरिक पक्राउ परेका छन्।
क्यानडा, रोमानिया, ग्रिस लगायतका देशहरूमा पठाउने भन्दै उनीहरूलाई श्रीलङ्काबाट नेपाल ल्याएर होटेलमा राखेर पासपोर्ट नियन्त्रणमा लिई बन्धक बनाएको आरोपमा उनीहरू पक्राउ परेका हुन्।
उनीहरूमाथि प्रहरीले विभिन्न किसिमका धाकधम्की दिई, कुटपिट गर्नुका साथै आफन्तसँग सम्पर्क गर्न नदिई साथमा रहेको नगद समेत लिई जबरजस्ती बन्धक बनाई राखेको आरोप लगाएको छ।
बन्धकहरूलाई मुक्त गर्दै प्रहरीले पाकिस्तानी नागरिक जुबेर अम्जाद, शाहजेहान तानबिर, मलिक अब्दुल हमिद र आरिफ मसिहलाई पक्राउ गरेको छ।
प्रतिक्रिया दिनुहोस्