फाल्गुन १३- रौतहट, रौतहटको गुजरा नगरपालिकामा ४ किलोग्राम गाँजासहित एकजना पक्राउ परेका छन्। बारा करैयामाई गाउँपालिका १ हरैया टोलका ३५ वर्षीय हबीब अन्सारी गाँजासहित पक्राउ परेका हुन् ।
गुजरा ४ लाल बकैया नदीको बाँधमा आइतवार दिउँसो जिल्ला प्रहरी कार्यालय र प्रहरी चौकी हरिनगरको संयुक्त टोलीले चेकजाँचको क्रममा पैदल यात्री अन्सारीको झोलाबाट ४ किलोग्राम लागुऔषध गाँजा बरामद भएको रौतहट प्रहरी प्रमुख एसपी महेन्द्रकुमार श्रेष्ठले बताए ।
पक्राउ परेका अन्सारीलाई गाँजासहित इलाका प्रहरी कार्यालय लक्ष्मीनिया विजयपुरको हिरासतमा राखिएको र थप अनुसन्धान भैरहेको प्रहरीले जनाएको छ ।
प्रतिक्रिया दिनुहोस्