मोटरसाइकल दुर्घटना हुँदा एक युवकको मृत्यु

फाल्गुन १२- पूर्वी नवलपरासी, पूर्वी नवलपरासीको दलदलेमा मोटरसाइकल दुर्घटना हुँदा एक युवकको मृत्यु भएको छ ।

दलदले प्रहरीका अनुसार देवचुली नगरपालिका-१४ को भित्री सडकमा शुक्रबार राति मोटरसाइकल दुर्घटना हुँदा घाइते सागर चौधरीको मृत्यु भएको हो ।

भित्री सडकमा तीव्र गतिमा मोटरसाइकल कुदाउँदा दुर्घटनामा परेको र उपचारका क्रममा भरतपुरमा शुक्रबार राति मृत्यु भएको प्रहरीले बताएको छ ।२५ वर्षका चौधरी कुडौली निवासी हुन् ।