सञ्जालहब
फाल्गुन ४- वीरगञ्ज, प्रहरीले बाराबाट ठूलो परिमाणमा रहेको लागु औषध चरेससहित दुई जना भारतीय नागरिकलाई पक्राउ गरेको छ।
पक्राउ पर्नेहरूमा युपी ३२ एनएम ४४७६ नम्बरको कार चालक भारत, उत्तर प्रदेश, जिल्ला बरेध, दिपाद कोतवाली बस्ने वर्ष ४२ को साफिर अली र कारमा सवार सोही स्थानका वर्ष ४४ को मोहमद अबजाल रहेका छन्।
इलाका प्रहरी कार्यालय अमलेखगंजबाट खटिएको प्रहरी टोलीले जीतपुर सिमरा उप-महानगरपालिका-२१ अमलेखगंज स्थित हेटौंडाबाट वीरगंज तर्फ आउदै गरेको उक्त कारलाइ चेकजाँच गर्दा कारबाट चरेस बरामद गरिएको जिल्ला प्रहरी कार्यालयका निमित्त सूचना अधिकारी वीरेन्द्रराज गुरुङले जानकारी दिए ।
कारको पछाडीको भागमा बक्स बनाई लुकाई छिपाई राखेको ३४ केजि ९६८ ग्राम चरेस बरामद भएको उनले बताए ।
पक्राउ परेका दुवै जनाविरुद्ध लागु औषध मुद्दा दर्ता गरी अदालतबाट पाँच दिनको म्याद थप गरी अनुसन्धान अघि बढाइएको गुरुङले बताए ।
प्रतिक्रिया दिनुहोस्