बझाङमा जिप दुर्घटना हुँदा एक जनाको मृत्यु, दुई जना घाइते

फाल्गुन ४- बझाङ,   बझाङको तल्कोट गाउँपालिकाको साईलाबगडमा नजिक जिप दुर्घटना हुँदा एक जना मृत्यु भएको छ भने दुई जना घाइते भएका छन्।

तल्कोट १ का सुस्मिता कठायतलाई बेहोस अवस्थामा जिल्ला अस्पताल पु¥याइएको र अस्पतालले उनको मृत्यु घोषणा गरेको छ भने चालक तल्कोट ३ का राजेश कडाल र सहचालक मष्टा ५ का कमल कठायतको अवस्था हाल मध्यम रहेको बताइएको छ।

जिल्ला प्रहरी कार्यालय बझाङका प्रहरी नायव उपरिक्षक भरतबहादुर शाहका अनुसार तलकोटबाट चैनपुर आउने क्रममा से १ ज ८६८ नम्बरको जीप बिहिवार साझ अनियन्त्रित भएर सडकबाट ७० फिट तल खसेको थियो। दुर्घटनामा घाइते भएकाहरु दुबै जनाको उपचार जिल्ला अस्पताल बझाङमा उपचार भइरहेको छ।