सञ्जालहब
माघ ७- दक्षिण अफ्रिकामा जारी आईसीसी यू-१९ विश्वकपअन्तर्गत आज नेपालले आफ्नो पहिलो खेल खेल्दैछ । समूह डी’मा रहेको नेपालले आज आफ्नो पहिलो खेलमा न्युजिल्यान्डसँग खेल्ने भएको हो ।
यसअघिका दुवै खेलमा नेपालले न्युजिल्यान्डलाई हराएको छ । यू-१९ विश्वकपमा नेपाल र न्युजिल्यान्डबीच तेस्रोपटक भेट हुने भएको हो ।
नेपाल र न्युजिल्यान्ड अन्तिमपटक सन् २०१६ मा भिडेका थिए । बंगलादेशको फतुल्लाहमा भएको प्रतिस्पर्धामा नेपालले न्युजिल्यान्डलाई ३२ रनले हराएको थियो । यसअघि यू-१९ विश्वकपमै यी दुई टोलीबीचको पहिलो भेट सन् २००६ मा भएको थियो । त्यस वर्ष फेब्रुअरीमा कोलोम्बोमा भएको खेलमा नेपालले न्युजिल्यान्डलाई १ विकेटले हराएको थियो ।
प्रतिक्रिया दिनुहोस्