सञ्जालहब
पुष २५- दक्षिण अमेरिकाको उत्तरपश्चिमी देश इक्वेडरमा मंगलबार मुख छोपेका केही बन्दुकधारी लाइभ कार्यक्रम भइरहेका बेला टीभी स्टुडिओभित्र छिरेर कर्मचारीहरूलाई धम्की दिएका छन्।
बन्दुकधारीहरूले ग्वायाकिल सहरको एक च्यानल टीसी टेलिभिजनको प्रत्यक्ष प्रसारणका क्रममा स्टुडिओभित्र प्रवेश गरी कर्मचारीहरूलाई भुइँमा सुताएका हुन्।
इक्वेडरका कुख्यात गुण्डा र चोनेरोस गिरोहका प्रमुख एडोल्फो मासियास भिल्लामार वा फिटो जेलबाट बेपत्ता भएपछि सोमबार देशभर ६० दिनका लागि आपत्काल लागू गरिएको छ।
तर ग्वायाकिलमा भएको पछिल्लो घटनाको यस गुण्डा बेपत्तासँग कुनै सम्बन्ध छ वा छैन भन्ने अझै स्पष्ट भएको छैन।
मंगलबार टीभी स्टुडिओमा भएको आक्रमणका क्रममा एक बन्दुकधारीले कर्मचारीको टाउकोमा बन्दुक तान्दै मार्ने धम्की दिएका थिए।
समाचार एजेन्सी एएफपीका अनुसार एउटी महिलाले ‘गोली नहान्नुहोस्, प्लिज गोली नहान्नुहोस्’ भनेको सुनिएको थियो।
प्रतिक्रिया दिनुहोस्