सञ्जालहब
मंसिर २४- काठमाण्डौं, राष्ट्रिय संगीतकर्मी संघ काठमाण्डौंका अध्यक्ष तथा निर्देशक निरेन श्रेष्ठले जन्मदिनको अवसरमा वालगृहलाई न्यानो सिरक वितरण गरेका छन ।
गत सोमबार तारकेश्वर ३,ठूलागाउँ काठमाण्डौंस्थित मातृ नेपाल वालगृहका ४५ जना अनाथ तथा अपाङ्गता भएका वालवालिकाहरुका लागि २० थान सिरक हस्तान्तरण तथा सम्पूर्णमा भोजन कार्यक्रम गरेका छन । वालगृहका सञ्चालक तथा अध्यक्ष नर वहादुर राउतले वालवालिकाहरुका लागि जाडोमा निकै कष्टकर हुँदै आइरहेकोमा न्यानो सिरक वितरणले उनीहरुमा खुसी थपिएको बताएका छन । राष्ट्रिय संगीतकर्मी संघका अध्यक्ष तथा निर्देशक निरेन श्रेष्ठले विगतमा पनी सेवामूलक काम गर्दै आइरहेकाले वालगृहका वालवालिकाको आवश्यकतालाई महसुस गर्दै केहि हद सम्म भएपनी न्यानोपन दिलाउन पाउँदा खुसी व्यक्त गरेका छन ।
राष्ट्रिय संगीतकर्मी संघ काठमाण्डौंका पदाधिकारीहरुको समेत उपस्थितिमा वालवालिकाहरु माझ केक काटदै ,भोजन गराउँदै नाचगान समेत गरेका थिए ।
प्रतिक्रिया दिनुहोस्