जनकपुर रेल्वे स्टेशनबाट पेस्तोल सहित भारतीय युवती पक्राउ

कार्तिक ८-जनकपुर, जनकपुरस्थित रेल्वे स्टेशन आसपासबाट पेस्तोल सहित एक जना भारतीय युवती पक्राउ परेकी छन्।

रेल्वे स्टेशनको सुरक्षार्थ तैनाथ सशस्त्र प्रहरी बलको टोलीले भारतको बिहारस्थित लकीसराई ग्रामपञ्चायतकी पूजाकुमारी सहनीलाई पक्राउ गरेको हो।

उनको साथबाट कटुवा पेस्तोलसँगै भारतीय कम्पनीको एउटा सिम र केहि नेपाली रुपैयाँ पनि बरामद गरिएको प्रहरीले जनाएको छ।

सूचनाको आधारमा गएको सुरक्षाकर्मीको टोलीले रेल्वे स्टेशन नजिकैको हनुमान मन्दिरमा सुरक्षा जाँच गर्दा उनलाई पक्राउ गरिएको सशस्त्र प्रहरीले जनाएको छ। यस सम्बन्धी थप अनुसन्धानका सोधपुछ भइरहेको प्रहरीले जनाएको छ।
https://www.himalkhabar.com/news/138583