असोज २६-झापा, गौरीगंज गाउँपालिका-२ आपगाछिबाट अवैध लागूऔषध ब्राउनसुगर ४ ग्राम ८ सय ३० मिलिग्रामसहित दमक नगरपालिका-५ बस्ने २५ वर्षीय प्रकाश निरौलालाई बिहीबार दिउँसो प्रहरीले पक्राउ गरेको छ । प्रहरी चौकी कोरोबारीबाट खटिएको प्रहरीले प्रदेश १-०१-०१५ प ६७४६ नम्बरको स्कुटरलाई जाँच गर्ने क्रममा स्कुटरमा सवार उनलाई उक्त पदार्थसहित पक्राउ गरेको हो ।
यसैगरी झापा, बिर्तामोड नगरपालिका-३ स्थित गोसलाईनबाट अवैध लागूऔषध ब्राउनसुगर ९८ ग्राम २ सय ४० मिलिग्रामसहित ३ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरुमा सोही नगरपालिका-९ बस्ने ३० वर्षीय मोहन टुडु, ३७ वर्षीय सोम मर्डी र सोही नगरपालिका-७ बस्ने ३२ वर्षीय अंकित भन्ने डिल्ली बहादुर खड्का रहेका छन् । विशेष सूचनाको आधारमा लागूऔषध नियन्त्रण ब्यूरो काकरभिट्टाबाट खटिएको प्रहरीले उनीहरूलाई उक्त लागूऔषधसहित पक्राउ गरेको हो । साथै उनीहरूले प्रयोग गरेको मोटरसाइकल २ थान र स्कुटर १ थान समेत प्रहरीले बरामद गरेको छ ।
कैलाली, धनगढी उपमहानगरपालिका-१० गणपति इँटाभट्टा नजिकबाट अवैध लागूऔषध खैरो हेरोईन ९ सय ४० मिलिग्रामसहित सोही उपमहानगरपालिका-१० बस्ने १७ वर्षीय किशोरलाई बिहीबार दिउँसो प्रहरीले पक्राउ गरेको छ । जिल्ला प्रहरी कार्यालय कैलाली र अस्थायी प्रहरी पोष्ट जुगेडाबाट खटिएको प्रहरीले उनलाई उक्त लागूऔषधसहित पक्राउ गरेको हो ।
मकवानपुर, हेटौंडा उपमहानगरपालिका-१५ रातोमाटेबाट अवैध लागूऔषध खैरो हेरोईन करिब १० ग्रामसहित बारा प्रसौनी गाउँपालिका-५ नकटुवा बस्ने ४० वर्षीय रमेश महतो नुनियालाई बिहीबार राति प्रहरीले गरेको छ । प्रहरी चौकी रातोमाटेबाट खटिएको प्रहरीले ना.५ ख २४६८ नम्बरको बसलाई जाँच गर्ने क्रममा बसमा सवार उनलाई उक्त लागूऔषधसहित पक्राउ गरेको हो ।
यसैगरी मकवानपुर, हेटौंडा उपमहानगरपालिका-१९ नेवारपानीबाट अवैध लागूऔषध गाँजा करिब ४० केजीसहित सोही उपमहानगरपालिका-१९ बस्तीपुर बस्ने ४१ वर्षीय अर्जुन प्रसाद थपलिया र पर्सा बेलबासी गाउँपालिका-४ बस्ने ४० वर्षीय बिनोद चौरासियालाई गएराति प्रहरीले पक्राउ गरेको छ । विशेष सूचनाको आधारमा ईलाका प्रहरी कार्यालय मनहरीबाट खटिएको प्रहरीले बा.प्र.०३-००१च ११७६ नम्बरको गाडी र ना.५३ प ६११४ नम्बरको मोरसाइकललाई जाँच गर्ने क्रममा गाडीबाट उक्त परिमाणको लागूऔषध फेला पारी गाडीका चालक थपलिया र घटनामा संलग्न मोटरसाइकल चालक चौरासिया समेतलाई पक्राउ गरेको हो ।
सबै घटनाका सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस्