सञ्जालहब
असोज २५-काठमाडौंको बौद्धमा प्रहरीको गोली लागेर लुटेरा समूहका एक जना घाइते भएका छन् ।
उनीहरूलाई पक्राउ गर्न जाँदा पेस्तोल निकालेपछि काठमाडौं उपत्यका अपराध अनुसन्धान कार्यालय टोलीले आत्मरक्षाका लागि जवाफी फायर गरेको थियो ।
काठमाडौं उपत्यका प्रहरी कार्यालयका प्रवक्ता एसएसपी दिनेशराज मैनालीका अनुसार प्रहरीको जवाफी फायरमा उनी घाइते भएका हुन् ।
घाइते घलानको नेपाल मेडिकल कलेज, जोरपाटी अत्तरखेलमा उपचार भइरहेको छ ।
घटनामा संलग्न रहेको आरोपमा प्रहरीले सर्लाही घर भएका ३६ वर्षीय शन्त लामा र सिन्धुपाल्चोक घर भएका ३० वर्षीय जितेन लामालाई पक्राउ गरेको छ ।
साथै २ वटा मोटरसाइकल, एक थान पेस्तोल र ७ राउन्ड गोली बरामद भएको प्रहरीले जनाएको छ ।
प्रतिक्रिया दिनुहोस्