गोदावरीमा अटो दुर्घटना

श्रावन २८-कैलालीमा आज( आइतवार) दिउँसो  अटो दुर्घटना भएको छ।

जिल्लाको गोदावरी नगरपालिका –६ लालपुरमा अटो दुर्घटना भएको हो। दुर्घटना हुँदा ५ जना घाईते भएका छन्। लालपुरको भित्रि सडक खण्डमा दक्षिणबाट उत्तरतर्फ आउदै गरेको सु.प.प्र.०२००१ ह १६५२ नम्बरको अटो दुर्घटना हूँदा ५ जना सामान्य घाईते भएका हुन।

अटो चालक गोबिन्द नेपालीले पैदल यात्री १२ वर्षीय बालक अभिषेक बि.क लाई बचाउन खोज्दा अनियन्त्रीत भएर अटो दुर्घटना भएको ईलाका प्रहरी कार्यालय मालाखेतीले जनाएको छ। अटो पल्टिदा पैदल यात्री बालकसहित अटोमा सवार सोही वडाकी ईन्द्रा साउँद, उनका २ वर्षिय छोरा दिपक साउँद, सोही ठाउँकी अमृता भट्ट र डोटीको दिपायल सिलगढी नगरपालिका– ४ का साईले साउँद सामान्य घाईते भएका प्रहरीले जनाएको छ।

दुर्घटनामा घाईते बालक अभिषेक बाहेक अन्य सबैको अवस्था सामान्य रहेकोछ। अभिषेकको धनगढीको माया मेट्रो अस्पतालमा उपचार भइरहेको छ।