जबरजस्ती करणी गरेको अभियोगमा पक्राउ

झापा, १७ वर्षीया किशोरीलाई जबरजस्ती करणी गरेको अभियोगमा कनकाई नगरपालिका-९ बस्ने २३ वर्षीय प्रवास राजवंशीलाई आइतबार साँझ प्रहरीले पक्राउ गरेको छ ।

राजवंशीले ती किशोरीलाई गत असार १८ गते दिउँसो जबरजस्ती करणी गरेको भन्ने उजुरीको आधारमा ईलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।