सञ्जालहब
मेक्सिकोमा यात्रुबाहक बस पहाडी सडकबाट चिप्लिएर खाल्डोमा खस्दा कम्तीमा २७ जनाको मृत्यु भएको छ । उक्त दुर्घटना बुधबार दक्षिणी राज्य ओक्साकामा भएको प्रहरीले जनाएको छ । घटनास्थलका तस्बिरहरूमा उद्धारकर्मीहरू घटनास्थलमा रहेको ठाडो भीरको फेदमा बसेको गाडीको भग्नावशेष देखाइएको छ।
एएफपीका अनुसार ओक्साका राज्यका अभियोजक बर्नार्डो रोड्रिगेज अलामिल्लाले भने, प्रारम्भिक तथ्याङ्कअनुसार २७ जनाको मृत्यु भएको छ र १७ जना घाइतेहरूलाई उपचारका लागि क्षेत्रका विभिन्न अस्पतालमा लगिएको छ। दुर्घटनाको कारणबारे अनुसन्धान थालिएको उनले प्रारम्भिक संकेतले यान्त्रिक गडबडी भएको बताए ।
नागरिक सुरक्षा निकायका अनुसार घाइतेहरूलाई अस्पताल पुर्याउँदा कम्तीमा छ जना बेहोस र गम्भीर अवस्थामा थिए।
एएफपीका अनुसार स्थानीय यातायात कम्पनीद्वारा सञ्चालित बस मंगलबार राति राजधानी मेक्सिको सिटीबाट सान्टियागो डे योसोन्डुआ शहरतर्फ गइरहेको अधिकारीहरूले बताएका छन्।
प्रतिक्रिया दिनुहोस्