सञ्जालहब
तनहुँ, आँबुखैरेनी गाउँपालिका-४ बेनिटारबाट अवैध लागूऔषध गाँजा करिब ६ केजीसहित धादिङ निलकण्ठ नगरपालिका-७ सुनौला बजार बस्ने २२ वर्षीय कृष्ण बहादुर खड्कालाई शनिबार बिहान प्रहरीले पक्राउ गरेको छ । अस्थायी प्रहरी पोष्ट मुग्लिङबाट खटिएको प्रहरीले मुग्लिङबाट आँबुखैरेनीतर्फ जाँदै गरेको ना. ४ ख ६३५६ नम्बरको बसलाई जाँच गर्ने क्रममा बसमा सवार उनलाई उक्त लागूऔषधसहित फेला पारी पक्राउ गरेको हो ।
सर्लाही, मलंगवा नगरपालिका-२ स्थित दस गजाबाट अवैध लागूऔषध गाँजा करिब १० केजी ५ सय ग्रामसहित सोही नगरपालिका-३ बस्ने ४० वर्षीय रामअधिन रायलाई शनिबार बिहान प्रहरीले पक्राउ गरेको छ । जिल्ला प्रहरी कार्यालय सर्लाहीबाट खटिएको प्रहरीले नेपालबाट भारततर्फ जाँदै गरेको बिआर ०६ एजेड ७९५६ नम्बरको मोटरसाइकललाई जाँच गर्ने क्रममा मोटरसाइकलमा सवार उनलाई उक्त लागूऔषधसहित फेला पारी पक्राउ गरेको हो ।
मकवानपुर, हेटौंडा उपमहानगरपालिका-१५ शिखरपानी डेरा गरी बस्ने मनहरी गाउँपालिका-७ घर भई हाल सर्लाही बागमती गाउँपालिका-४ जिरायत बस्ने १८ वर्षीय किशोरलाई अवैध लागूऔषध गाँजा ८ केजी, स्पासपेन १ हजार ३ सय ९० ट्याब्लेट, एनार्गन २ हजार ८ सय ५० ट्याब्लेट र ट्रामोल ८ सय ८० ट्याब्लेटसहित शुक्रबार दिउँसो प्रहरीले पक्राउ गरेको छ । विशेष सूचनाको आधारमा अस्थायी प्रहरी पोष्ट हरियाली र ईलाका प्रहरी कार्यालय पशुपतिनगरबाट खटिएको प्रहरीले ती किशोरको कोठा तलासी गर्दा उक्त लागूऔषध फेला पारी उनलाई पक्राउ गरेको हो ।
बर्दिया, बाँसगढी नगरपालिका-८ ककौरा चोकबाट अवैध लागूऔषध ब्राउनसुगर जस्तो देखिने पदार्थ २ ग्राम ९ सय ४० मिलिग्रामसहित सोही नगरपालिका-८ धनैयाटोल बस्ने २९ वर्षीय संजिव चौधरीलाई शुक्रबार राति प्रहरीले पक्राउ गरेको छ । ईलाका प्रहरी कार्यालय मोतीपुरबाट खटिएको प्रहरीले उनलाई उक्त पदार्थसहित फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
स्रोतः नेपाल प्रहरी
प्रतिक्रिया दिनुहोस्