सञ्जालहब
झापामा एकै रातमा चार वटा पसलको सटर फोडेर चोरी गरेको आरोपमा प्रहरीले एकजनालाई पक्राउ गरेको छ ।
पक्राउ पर्नेमा जिल्लाको शिवसताक्षी नगरपालिका ५ आमबाडी का ५६ वर्षीय सविलाल खवास रहेको प्रहरीले जनाएको छ । शिवगंज बजारमा शृङ्खलाबद्ध रूपमा ४ वटा सटर फोडी चोरी भएको गुनासो आएपछि इलाका प्रहरी कार्यालय शिवगञ्जमा प्रहरीले अनुसन्धान गर्ने क्रममा चोरीमा संलग्न खवासलाई चोरी भएको सामान र नगदसहित पक्राउ गरेको हो ।
चोरीमा प्रयोग भएको फलामको रड, झोला र चोरी गर्दा प्रयोग भएको कपडासहित पक्राउ परेका खवासविरुद्ध अनुसन्धान जारी रहेको प्रहरीले जानकारी दिएको छ ।
प्रतिक्रिया दिनुहोस्