सञ्जालहब
दक्षिण पूर्वी बंगलादेशमा अत्यन्त खतरनाक चक्रवात आउने सम्भावना आंकलन गरिएको छ चक्रवात आउनुअघि करिब आधा लाख मानिसलाई सुरक्षित स्थानमा सारिएको छ।
चक्रवात मोचा हावा आइतवार १७० किलोमिटर प्रतिघण्टा र १२ फिट सम्मको आँधीको साथ ल्यान्डफल गर्ने भविष्यवाणी गरिएको छ।
यस चक्रवातले विश्वको सबैभन्दा ठूलो शरणार्थी शिविर, कक्स बजारलाई असर गर्न सक्छ, जहाँ करिब १० लाख मानिसहरू अस्थायी घरहरूमा बस्छन्। क्याम्पमा पानी परिरहेको छ र खतराको संकेत स्वरुप चेतावनीको लागि रातो झण्डा फहराइएको छ।चक्रवात मोचा लगभग दुई दशकपछि बंगलादेशमा देखिएको सबैभन्दा शक्तिशाली चक्रवात हुन सक्छ।
मौसम प्रणाली बंगलादेश–म्यानमारको तटीय क्षेत्रतर्फ जाँदा, नजिकैका विमानस्थलहरू बन्द गरिएको छ, माछा मार्नेहरूलाई उनीहरूको काम रोक्न भनिएको छ, र १५०० आश्रयस्थलहरू स्थापना गरिएको छ, जोखिममा रहेका क्षेत्रहरूबाट मानिसहरूलाई सार्ने प्रक्रिया सुरु भएको छ। कक्स बजारका अधिकारीहरूले भने कि एक क्षेत्रबाट १००० मानिसहरूलाई पहिले नै सारि सकिको छ, यदि स्थिति बिग्रियो भने समुद्र तट नजिकको वार्डबाट थप ८०० मानिसहरूलाई सार्ने योजना छ। तेहाँका अधिकारीले भने ः हामी जुनसुकै खतराको सामना गर्न तयार छौँ, हामी एक जनाको पनि ज्यान गुमाउन चाहँदैनौँ,
समुद्री किनारको होटेलहरूमा बस्ने पर्यटकहरू सुरक्षित छन्, त्यसैले आपतकालीन कामदारहरूले स्थानीयहरूलाई माछा मार्ने र अधिक जोखिममा परेका घरहरूमा बस्ने परिवारहरू सार्नेछन्, अधिकारीले भने। छिमेकी म्यानमारबाट भागेका करिब दश लाख रोहिंग्या शरणार्थीहरू जोखिममा छन्, बाँसको आश्रयस्थलमा तारपालको आवरणमा बासिरहेका छन्। संयुक्त राष्ट्रसंघले यी क्षेत्रहरूलाई सुरक्षित राख्न आफूले सक्दो गरिरहेको बताएको छ। बंगलादेशको सरकारले शरणार्थीहरूलाई उनीहरूको शिविर छोड्न अनुमति दिँदैन, त्यसैले उ उनीहरूको आश्रयस्थलहरू आँधीबेहरीले प्रभावित बनाए के गर्ने भनेर डराइ रहेको बताएका छन्।
मौसम पूर्वानुमानकर्ताहरूले चक्रवात वर्षाले बाढी ल्याउने अपेक्षा गरेका छन्, जसले पहिरो निम्त्याउन सक्छ ( पहाडी शिविरहरूमा बसोबास गर्नेहरूका लागि गम्भीर खतरा छ, जहाँ भूस्खलन भई रहन्छ। शरणार्थीहरू र शिविरहरूको निरीक्षण गर्ने बंगलादेशी सरकारी कार्यालयका एमडी शमसुल डौजाले बताए कि उनीहरू शिविरहरू चक्रवातको लागि सकेसम्म तयार छन् भनेर सुनिश्चित गर्न एनजीओहरूसँग काम गरिरहेका छन्।
तर उनले शरणार्थीहरूलाई शिविरबाट बाहिर सार्नु सजिलो काम नभएको बताए। दश लाख शरणार्थीहरू सार्नु धेरै गाह्रो छ, हामी व्यावहारिक हुनुपर्छ,ू अधिकारीले भने। हाम्रो योजना जीवन बचाउने हो। हामी पछिका दिनहरूको लागि पनि तयार छौं। भारी वर्षाले बाढी र पहिरो निम्त्याउन सक्छ, जसले जोखिम पनि निम्त्याउँछ।ू
म्यानमार– रखाइन राज्यको राजधानी सिट्वे सहरमा शुक्रबार रातिदेखि वर्षा सुरु भएको छ ।
बङ्गालको खाडीमा विकसित भइरहेको ‘मोखा’ नामक चक्रवातको नेपालमा उल्लेखनीय प्रभाव नरहने जल तथा मौसम विज्ञान विभाग मौसम पूर्वानुमान महाशाखाले जनाएको छ ।
महाशाखाका अनुसार उक्त चक्रवात हाल अति शक्तिशाली चक्रवातमा परिणत भएर उत्तर–उत्तर पूर्व दिशातर्फ उन्मुख हुँदै बङ्गलादेश तथा म्यानमारको तटीय क्षेत्रमा बढिरहेको हुनाले यसको नेपालमा उल्लेखनीय प्रभाव नरहने देखिन्छ ।
हाल देशका पहाडी भू–भागमा आंशिक बदली रही बाँकी भेगमा मौसम सामान्यतया सफा रहेको छ । दिउँसो कोशी, बागमती, गण्डकी, कर्णाली र सुदूरपश्चिम प्रदेशका पहाडी भू–भागमा आंशिक बदली रही ती पहाडी भू–भागका एक–दुई स्थानमा मेघ गर्जन/चट्याङसहित हल्का वा क्षणिक वर्षाको सम्भावना रहेको महाशाखाले जारी गरेको मौसम पूर्वानुमान बुलेटिनमा उल्लेख छ ।
प्रतिक्रिया दिनुहोस्